Полицијата спроведе повеќе одделни акции поврзани со недозволена трговија со дрога, при што е поднесена кривична пријава и се извршени неколку приведувања.
СВР Скопје поднесе кривична пријава против 39-годишен скопјанец поради сомнение за неовластено производство и пуштање во промет на наркотични дроги, психотропни супстанци и прекурзори. При претрес извршен на 17 април во дом во населбата Драчево, биле пронајдени дигитална вага со остатоци од амфетамин, три ножа со траги од истата супстанца, како и пари во различни валути, амфетамин и МДМА.
На 23 април на подрачјето на Бит Пазар во Скопје, полициски службеници лишиле од слобода 23-годишен скопјанец, кај кого биле пронајдени прашкаста материја и марихуана. По документирање на случајот ќе следува соодветен поднесок.
Претходно, на 22 април околу 17 часот, во Тетово бил извршен претрес во дом и помошни простории во населбата Дреновец, при што била пронајдена дигитална вага со остатоци од кокаин. 29-годишниот жител бил лишен од слобода и задржан во полициска станица, а по расчистување на случајот ќе биде поднесен соодветен поднесок.
