Повреден пожарникар при гаснење пожар во Визбегово

Пожарникар е повреден при интервенција на пожар во селото Визбегово, во Општина Бутел, каде што гореле дива депонија и сува трева.

— реклама —

Според информациите од Бригадата за противпожарна заштита – Скопје, за време на интервенцијата дошло до ненадејна експлозија, при што еден пожарникар се здобил со повреди на ногата и увото.

— реклама —

Повредениот веднаш бил пренесен во Комплексот клиники „Мајка Тереза“, каде што му била укажана медицинска помош. Од надлежните информираат дека неговата здравствена состојба е стабилна и дека се наоѓа надвор од животна опасност.

— реклама —

Причините за експлозијата засега не се познати и се утврдуваат. Според првичните претпоставки, можно е да експлодирала боца под притисок, која се наоѓала на местото на пожарот.

— реклама —

Надлежните служби работат на расчистување на случајот и утврдување на точните околности под кои дошло до експлозијата.