Повредено петгодишно дете откако го удрил автомобил, возачот бил пијан

Петгодишно дете било повредено во сообраќајна незгода во Свети Николе, откако автомобил удрил во велосипедот што го управувало. Несреќата се случила вчера околу 18:30 часот на улицата „Орце Николов“.

— реклама —

Од МВР информираат дека во детето удрил автомобил „Опел“ со светиниколски регистарски ознаки, управуван од 61-годишниот М.Ј. од Свети Николе.

— реклама —

Детето се здобило со телесни повреди и било однесено на лекарски преглед во здравствена установа.

— реклама —

При полициската проверка било утврдено дека возачот управувал под дејство на алкохол. Кај него биле измерени 1,74 промили алкохол во крвта, по што бил лишен од слобода.

— реклама —

Полицијата извршила увид на местото на несреќата, а за случајот бил известен и јавен обвинител. Од МВР најавуваат дека по целосното документирање на настанот ќе биде поднесена соодветна пријава.