(Видео) Повторно нападнат аеродромот во Ријад, избувнал пожар на истиот терминал каде што загинаа 12 лица

Аеродромот „Крал Калид“ во саудиската престолнина Ријад повторно бил цел на напад, само еден ден откако во ракетирање загинаа 12 лица, а повеќе од 300 беа повредени. Воената коалиција предводена од Саудиска Арабија денеска потврди дека нов напад предизвикал пожар на аеродромот, кој и натаму е затворен за редовниот воздушен сообраќај.

— реклама —

Портпаролот на коалицијата, генерал-мајор Турки ал-Малики, соопштил дека „непознат проектил“ ја погодил патничката сала на терминалот 4 – истата зграда што била нападната и во саботата.

— реклама —

Противпожарните и итните служби веднаш биле испратени на местото за да го изгаснат пожарот. Во одделна акција, саудиската противвоздушна одбрана пресретнала крстосувачка ракета во непосредна близина на аеродромот.

Засега нема дополнителни информации за евентуални жртви или повредени во најновиот напад.

— реклама —

(Видео) Масакр на аеродромот во Ријад: 12 загинати, повеќе од 300 повредени

Дванаесет лица загинаа, а повеќе од 300 беа повредени во вчерашниот ракетен напад врз меѓународниот аеродром „Крал Калид“ во Ријад, соопштија саудиските власти. Одговорноста за нападот ја презедоа јеменските Хути, кои имаат поддршка од Иран.Меѓу загинатите има четворица државјани на Саудиска Арабија, како и државјани на Бангладеш, Палестина, САД, Египет, Јордан, Сирија и Судан. Дел од повредените се во критична состојба.Проектилот погодил дел од аеродромскиот комплекс во кој се наоѓаат терминали

Свет | пред 14 часа