Пожар на отворен простор избувна вечерва во близина на последната автобуска станица на линијата 16, во непосредна близина на парк-шумата Гази Баба во Скопје.
Пријавата за пожарот била примена во 19:15 часот преку Единствениот број за итни случаи 112. Според првичните информации, гори ниска вегетација, односно сува трева во близина на Природно-математичкиот факултет.
За настанот веднаш биле известени екипите на Бригадата за противпожарна заштита на Градот Скопје, кои излегле на терен и интервенираат на локацијата.
Според информациите од надлежните служби, засега нема опасност пожарот да се прошири, а се очекува огнот брзо да биде ставен под контрола и целосно изгаснат.
Надлежните продолжуваат да ја следат состојбата на терен.
