Два поголеми пожари избувнаа денеска на територијата на Скопје, информираат од Дирекцијата за заштита и спасување.
Пожар избувнал во населеното место Волково, каде интервенираат екипи на БППЗ Скопје. Според информациите, пожарот постепено се става под контрола.
Во исто време, пожар избувнал и на територијата на Општина Сопиште, во пределот зад Водно. Таму започнува интервенција на БППЗ Скопје, а дополнително се упатени и четири „пинцгауери“ на Дирекцијата за заштита и спасување.
Екипите се на терен и работат на локализирање и ставање под контрола на пожарите.
