Жителите на Солун преку системот за итни предупредувања 112 добија известување поради пожар што избувна во областа Калохори.
Предупредувањето го добија и дел од туристите кои престојуваат во Неа Каликратија, иако пожарот не е во близина на ова туристичко место, туку на околу 60 километри оддалечено.
Според информациите од грчката Цивилна заштита, чадот од пожарот може да се прошири кон одредени подрачја, поради што граѓаните се повикани да останат во затворени простории, да ги затворат прозорците и вратите и да ги следат упатствата на надлежните служби.
Од страницата „Грција инфо“ на Фејсбук информираат дека во моментов нема причина за паника и дека ситуацијата се следи, со надеж дека пожарот ќе биде ставен под контрола.
