Пожар во зграда во Лондон: Пожар избувна во луксузен кварт, 11 повредени, повеќе од 100 луѓе евакуирани

Единаесет лица се пренесени во болница откако избувна пожар во зграда во луксузната лондонска населба Саут Кенсингтон, во југозападен Лондон, во близина на Природонаучниот музеј.

— реклама —

Лондонската противпожарна бригада на мрежата Х извести дека 11 лица биле третирани поради вдишување чад и дека околу 130 жители морале да бидат евакуирани од зградата каде што избувнал пожарот и од соседните згради.

— реклама —

На местото на настанот пристигнале 15 противпожарни возила и околу 100 пожарникари, јавува Би-Би-Си.

— реклама —

Околу 15 луѓе успеале да побегнат од зградата зафатена во пожар пред да пристигнат пожарникарските екипи, јавува Sky News.

Еден од пожарникарите изјавил дека пожарот се проширил од приземјето кон горниот кат и покривот. Причината за пожарот засега не е позната.