Пожар на градилиште во Скопје, гореле импровизиран објект и контролна табла за кран

Пожар избувнал на улицата „Ацо Шопов“ во Скопје, при што биле зафатени импровизиран објект и контролна табла преку која се управувал кран. Нема повредени лица, информира Министерството за внатрешни работи (МВР).

— реклама —

Според информациите од МВР, на 24 октомври 2026 година, во 16:35 часот, во СВР Скопје било пријавено дека избувнал пожар во објект и контролна табла во сопственост на правно лице од Скопје. Опремата била сместена меѓу две згради во изградба.

— реклама —

— реклама —

Пожарот бил изгаснат од екипа на Бригадата за противпожарна заштита на Град Скопје.

— реклама —

На местото бил извршен увид, а надлежните преземаат мерки за утврдување на околностите под кои настанал пожарот.