Две лица загинаа во пожари што денеска речиси истовремено избувнаа на грчкиот остров Саламина, во близина на Атина, поради што беа евакуирани стотици жители и туристи, пренесува АФП.
Телата на двете лица биле пронајдени во близина на плажата Перистерија, во јужниот дел на островот. Пожарите избувнале во две туристички области на југот и истокот на Саламина.
Во гаснењето биле ангажирани околу 150 пожарникари, четири авиони и шест хеликоптери, додека крајбрежната стража распоредила пет брода.
Саламина е популарна дестинација за жителите на Атина, особено во текот на летните одмори и викендите.
