Пожарот што избувна во близина на селото Гујновци во општина Пробиштип е локализиран, а пожарникарските екипи и понатаму се на терен за да спречат повторно разгорување.
Огнот зафатил отворен простор во атарот на општината, при што создал густ чад и значително ја намалил видливоста во околината. Според снимките од теренот, пожарот бил со поголем интензитет.
Во гаснењето интервенирале пожарникари од Пробиштип, со поддршка од дополнителни сили. При интервенцијата посебно внимание било посветено на спречување на ширењето на огнот кон населените места.
И покрај тоа што пожарот е локализиран, екипите остануваат на терен и го обезбедуваат подрачјето, со цел навреме да реагираат доколку се појават нови жаришта.
Високите температури и сувата вегетација во овој период создаваат услови пожарите брзо да се шират и да го менуваат правецот на движење, поради што се потребни дополнителна внимателност и навремена реакција.
(Видео) Уште еден пожар проголта куќа, овој пат во Пробиштип
Сериозен пожар попладнево избувна во селото Гујновце, во Општина Пробиштип, при што огнената стихија веќе зафати и куќа.Пожарот се шири во близина на населеното место.
Македонија | пред 5 часа
