Францускиот актер и модел Гаспар Улије, најпознат по улогата на младиот Ханибал Лектор, почина во болница по тешка несреќа на скијање на Алпите.
Улије беше итно пренесен во болница во критична состојба по инцидентот во Ла Розие во вторникот.
Тој во несреќата се здобил со тешка повреда на главата, објави локалната телевизија Франс Блу, а неговото семејство ја потврди неговата смрт во соопштение во средата.
Според извештаите, актерот се судрил со друг скијач на патеката, кој не завршил во болница.
Сега е во тек истрага за трагичната несреќа, соопшти обвинителството во Савој.
Улије, познат по појавувањето во реклами за парфемите на Шанел, како и за филмски и телевизиски улоги, меѓу кои е младиот Ханибал Лектор во филмот „Ханибал Рајзинг“ од 2007 година и модниот магнат Ив Сен Лоран во биографскиот филм Сен Лоран од 2014 година.
Улије го доби Цезар - францускиот еквивалент на Оскар - за најдобар актер во 2017 година за филмот „Тоа е само крајот на светот“, во кој глумеше заедно со Марион Котијар и Лео Сеиду.
