Познати деталите за несреќата со македонското семејство во Словенија: инспектор тврди дека децата не биле врзани со појас

Нови детали се објавени за тешката сообраќајна несреќа што вчера попладне се случи на словенечкиот приморски автопат, меѓу Унец и Равбаркоманда, во која загинаа три лица – 74-годишна жена и две деца на возраст од четири и 11 години.

Како што соопшти полицијата во Копер, во автомобил „Ауди А4“ со италијански регистарски таблички патувале пет лица, сите државјани на Северна Македонија со живеалиште во Италија. Станува збор за семејство кое живеело во Равена.

Загинале 74-годишната мајка на возачот и неговите две деца – четиригодишно девојче и 11-годишно момче.

— реклама —

Според досегашните сознанија на истрагата, автомобилот го управувал 39-годишниот татко. Тој најпрво со десната страна на возилото ја закачил заштитната ограда, по што силно удрил во задниот лев дел од приколка на товарно возило.

Камионот претходно бил запрен во простор за итно запирање поради дефект. Со него управувал 64-годишен државјанин на Босна и Херцеговина, кој во моментот на судирот бил во кабината и не бил повреден.

Особено потресувачки е податокот што го соопштил полицискиот инспектор Петер Лебан – двете деца во моментот на несреќата не биле врзани со сигурносен појас.

— реклама —

Во несреќата била повредена и 33-годишната мајка на децата, која седела на левото задно седиште. Таа со хеликоптер итно била пренесена во болница.

Во болница бил пренесен и 39-годишниот татко, кој го управувал автомобилот, но според најновите информации, тој не бил повреден.

Лекар на самото место можел само да ја констатира смртта на 74-годишната жена и на двете деца.

— реклама —

Полицијата сè уште ја утврдува точната причина за трагедијата. Возачот бил тестиран за присуство на алкохол и дрога, а двата теста биле негативни.

Една од околностите што сега ја проверуваат истражителите е дали 39-годишниот татко можеби заспал зад воланот непосредно пред судирот.

По завршувањето на истрагата, според објавените информации, против него се очекува кривична пријава поради сомнение за предизвикување сообраќајна несреќа од небрежност.

На местото интервенирале повеќе полициски патроли, пожарникари и екипи на Итната медицинска помош. Пожарникарите морале со техничка интервенција да помогнат во извлекувањето на настраданите од автомобилот, а бил обезбеден и простор за слетување на воен хеликоптер со медицинска екипа.

Поради несреќата, автопатот во правец кон Копер бил затворен до 23:56 часот. Увидот на местото го следеле и државен обвинител и истражен судија.

Две малолетни деца се меѓу тројцата Македонци кои загинаа во Словенија, велат од МНР

Меѓу тројцата македонски државјани кои загинаа во тешката сообраќајна несреќа во Словенија има две малолетни лица, потврди Министерството за надворешни работи и надворешна трговија.До македонската Амбасада во Љубљана било доставено официјално известување од словенечката полиција за несреќата што се случила на 27 август на автопатот А1, во близина на Унец.„Во незгодата животот го загубиле три лица – едно полнолетно и две малолетни лица, државјани на Република Северна Македонија“, информираат од М

Македонија | пред 1 месец