Познатиот актер од „Доктор Хаус“ реагираше по елиминацијата на Хрватска

По елиминацијата на Хрватска од Светското првенство, големо внимание предизвикаа реакциите на познати личности на социјалните мрежи. Меѓу нив беа британскиот актер Хју Лори и шаховската легенда Гери Каспаров.

— реклама —

Хрватската репрезентација беше поразена со 2:1 од Португалија во осминафиналето, а натпреварот го одбележаа неколку спорни судиски одлуки, вклучувајќи ги поништените голови на Кристијано Роналдо, Петар Сучич и Јошко Гвардиол по интервенција на ВАР.

— реклама —

„Тоа беше вистинско лудило. Лука Модриќ е фудбалски џин“, напиша Лори на социјалната мрежа X, а неговата објава доби голем број реакции.

— реклама —

Се огласи и Каспаров, кој во својата порака напиша: „Навистина трагичен крај. Сите мои симпатии за оваа феноменална хрватска репрезентација. И мојата кариера ја одбележа и ја порази компјутер.“

— реклама —

Со оваа забелешка тој се пошегува на своја сметка, алудирајќи на легендарниот пораз од суперкомпјутерот Deep Blue во 1997 година, но и на технологијата што одигра клучна улога во поништувањето на голот на Јошко Гвардиол, откако системот регистрираше претходен допир на топката од Игор Матановиќ.