„Прашуваме како е возможно ненамерно да се исече премиер од фотографија за кого се вели дека сме пријателски држави“, вели ВМРО-ДПМНЕ во реакција на изјавата на Димитар Ковачевски.
Тие додаваат:
„Верува ли некој дека е ненамерен пропуст како што вели Ковачевски?
Дали пријателството на Ковачевски е само за по дома, а кога ќе излезе надвор од државата никој не го есапи?
Свесен ли е Ковачевски дека заради неговиот пристап на виткана кичма не го понижуваат само него, туку и целата држава.
Дали пораката до Ковачевски е дека е до толку неважен, што не треба да го има ниту на фотографија? Дали Ковачевски побара извинување или ќе молчи и ќе се понижува и себе и државата?
Одамна знаеме дека во СДСМ немаат образ, но тоа не значи дека треба да ја срамат и државата“.
