Пратениците денес ќе одлучуваат за Завршната сметка на Буџетот

Собранието денеска ќе ја продолжи 111. пленарна седница, на која пратениците ќе разгледуваат повеќе законски предлози, стратешки документи, извештаи и кадровски прашања.

— реклама —

Меѓу најважните точки на дневниот ред се Предлог-законот за изменување на Законот за аудио и аудиовизуелни медиумски услуги во трето читање, како и Предлог-законот за соодветна и правична застапеност, кој е во второ читање.

Пратениците ќе ја разгледаат и Завршната сметка на Буџетот на Република Македонија за 2025 година, како и измените на Законот за студентскиот стандард, кои се предложени по скратена постапка.

— реклама —

Пред Собранието ќе се најдат и неколку законски решенија од областа на високото образование и науката, меѓу кои предлог-законите за високото образование, за обезбедување квалитет во високото образование и науката и за научноистражувачката дејност, сите во прво читање.

— реклама —

На дневен ред е и Националната стратегија за спречување на корупцијата и судирот на интереси за периодот 2026–2030 година, како и предлозите за избор на членови на Советот за граѓански надзор и за именување член на Регулаторната комисија за енергетика, водни услуги и услуги за управување со комунален отпад.

Во текот на седницата ќе бидат разгледани и годишните извештаи на повеќе институции, меѓу кои Агенцијата за супервизија на осигурување, Агенцијата за супервизија на капитално финансирано пензиско осигурување и Државниот завод за ревизија, како и извештајот за состојбата на осигурителниот пазар во 2025 година.

— реклама —

На агендата се и измените на законите за супервизија на осигурување, за автокампови и за енергетика, кои ќе се разгледуваат по скратена постапка.