Пратеникот Стојаноски бара утре да се одржи надзорната расправа за „Алта банка“

Надзорната расправа за случајот со „Алта банка“ да се одржи утре во 11 часот, без дополнително одложување, побара пратеникот и претседател на Општинскиот комитет на ВМРО-ДПМНЕ во Ѓорче Петров, Бојан Стојаноски.

— реклама —

Тој информира дека се обезбедени потребните потписи согласно Деловникот и дека барањето е доставено до претседателката на Комисијата за финансирање и буџет.

— реклама —

Стојаноски оценува дека случувањата поврзани со „Алта банка“ не треба да се претвораат во политичко надмудрување, туку дека е неопходно расправата да се одржи што поскоро за јавноста да добие одговори и да се разјаснат сите отворени прашања.

„Јавноста заслужува факти, а сите отворени прашања – јасни одговори“, порача Стојаноски.

— реклама —

— реклама —