Беживотното тело на Миле Тодоров било најдено во средината на ноември месец, во атарот на село во близина на Неготино, дознава “Скопје1”. Првичните информации се дека визуелно не можело да се направи идентификација бидејќи било во поодмината фаза на распаѓање, па затоа се правела ДНК анализа која покажала дека станува збор за него.
Обвинителството дало наредба и за обдукција која ќе треба да утврди и време на смрт. Телото е најдено на тешко достапна локација, каде што немало проток на луѓе.
Исчезнувањето на Миле беше пријавено на 30. јануари годинава. Семејството и полицијата интензивно трагаа по него - но безуспешно.
Тогаш него го опишуваа како одговорна личност, млад спортист, вработен, и семејството вели дека никогаш во минатото не се случило вакво нешто.
