Предлогот на ЛДП за една изборна единица не доби поддршка во Собранието

Собранието на Република Северна Македонија не го усвои предлогот на Либерално-демократската партија (ЛДП) за измени на Изборниот законик, со којшто се предвидуваше воведување на една изборна единица и отворени листи. Предлогот, поднесен од пратеничката Моника Зајкова, доби поддршка од само 19 пратеници.

— реклама —

Во своето излагање, Зајкова посочи дека актуелниот модел со шест изборни единици резултира со нерамноправност на гласот на граѓаните и претставува повреда на уставниот принцип за еднаквост. Таа смета дека воведувањето на една изборна единица и отворени листи би придонело за зголемување на демократскиот капацитет на изборниот процес и овозможување на поголемо влијание на граѓаните врз изборот на пратеници.

— реклама —

— реклама —

И покрај претходните јавни изјави на претседателот на ВМРО-ДПМНЕ, Христијан Мицкоски, дека партијата поддржува една изборна единица, пратениците на оваа опозициска партија не гласаа за предлогот.

ДУИ, пак, изрази условна поддршка, сугерирајќи воведување на изборен праг од 3 % од вкупно регистрираните или 5 % од излезените гласачи како предуслов за примената на вакви измени.