ЈП „Водовод и канализација“ информира дека во текот на изминатото деноноќие биле извршени три интервенции во Општините Карпош, Центар и Кисела Вода, додека активности биле спроведувани и во Шуто Оризари, Бутел, Гази Баба, Аеродром и Чаир.
За денеска, 29 септември 2026 година, најавен е прекин во водоснабдувањето во дел од Општина Центар.
Поради изведување водоводен приклучок со профил Ф-80 милиметри на улицата „Владимир Полежиновски“ 17, без вода ќе останат корисниците од дел од улицата „Владимир Полежиновски“ и дел од улицата „20-ти Октомври“.
Прекинот ќе започне во 09:00 часот и ќе трае до завршување на работните активности.
