Пријавени двајца полициски службеници: Во извештај внесле седум контролирани возила, а тие не биле запрени

Двајца полициски службеници од Радовиш се соочуваат со кривична пријава поради сомнение дека внесувале невистинити податоци во службен извештај за извршени сообраќајни контроли.

— реклама —

Според информациите од МВР, СВР Струмица – ОВР Радовиш поднело кривична пријава до Основното јавно обвинителство за гонење организиран криминал и корупција против Б. Ч. (31) од селото Конче, поради сомнение за „фалсификување службена исправа“, и против Б. Б. (38) од Радовиш, за „соизвршителство“ во истото кривично дело.

— реклама —

— реклама —

На 13 октомври 2026 година, пријавените, кои биле полициски службеници во ОВР Радовиш, наводно изготвиле и приложиле службен извештај со невистинити податоци. Во него навеле дека извршиле контрола на седум возила, иако дел од прикажаните контроли биле внесени за период во кој, според самиот извештај, не постапувале по добиената наредба.

Во приложената табела биле наведени марките и регистарските ознаки на возилата, како и имињата на возачите. Меѓутоа, од дополнителните проверки и разговорите со наведените лица било утврдено дека на тој ден тие не биле запрени и контролирани од полициски службеници.