Принцот Хари остро го критикуваше тврдењето на американскиот претседател Доналд Трамп дека НАТО сојузниците се држеле подалеку од првите линии во Авганистан, истакнувајќи дека жртвите на британските војници заслужуваат да се почитуваат и споменуваат вистинито.
Хари, кој сам служел во Авганистан како член на воздушните сили на британската армија, бил копилот и стрелец на борбен хеликоптер и извршил две борбени мисии. Тој потсети дека Обединетото Кралство загубило 457 војници, а илјадници животи биле засекогаш променети – родители го закопувале своите деца, а деца останале без родители. „Тие жртви заслужуваат да се зборува за нив вистинито и со почит, додека остануваме обединети и посветени на одбраната на дипломатијата и мирот“, порача Хари.
Принцот го откри и своето учество во борбите, нагласувајќи дека за време на службата убил 25 членови на талибанците, но за нив не размислувал како за луѓе, туку како за „шаховски фигури“ кои треба да се отстранат од таблата. „Тоа не ми носеше задоволство, но ни срам“, напиша тој во својата книга.
