Приведен 31-годишен Охриѓанец по пријава за физички напад врз девојката

31-годишен жител на Охрид бил лишен од слобода откако било пријавено дека физички ја нападнал својата девојка, информира Министерството за внатрешни работи.

— реклама —

Според МВР, на 15 ноември во 5:05 часот, полициски службеници од СВР Охрид го привеле Х. К., постапувајќи по претходна пријава за физички напад.

— реклама —

— реклама —

Од Основното јавно обвинителство Охрид информираат дека до овој момент кривичната пријава не е доставена до обвинителството, а досегашните известувања за настанот не содржеле наводи како оние наведени во прашањето упатено до институцијата.

— реклама —

За осомничениот засега е поведена постапка за кривично дело – телесна повреда од член 130 став 2 од Кривичниот законик. Од ОЈО Охрид посочуваат дека постапуваат со цел целосно да го испитаат настанот.