Приведени 13 возачи за безобѕирно возење, шестмина управувале без возачка дозвола

Според информациите од МВР, во текот на изминатото деноноќие на територијата на државата биле лишени од слобода 13 возачи поради безобѕирно управување со возило.

— реклама —

Од нив, шестмина управувале возило без возачка дозвола – по двајца биле затекнати во Скопје и Прилеп, а по еден во Битола и Свети Николе.

Четири лица, по едно во Кичево, Маврови Анови, Скопје и Кочани, биле фатени како управуваат возило иако имале активна забрана за управување.

— реклама —

Во Скопје, едно лице било лишено од слобода затоа што управувало возило под дејство на алкохол. Во Прилеп, пак, бил приведен возач кој управувал и под дејство на алкохол и покрај активната забрана за возење.

— реклама —

Дополнително, во Кавадарци било приведено лице кое управувало возило без возачка дозвола и под дејство на алкохол.

Од МВР информираат дека по целосно документирање на случаите ќе бидат поднесени соодветни кривични пријави.

— реклама —

Воедно, Министерството апелира до сите учесници во сообраќајот да ги почитуваат сообраќајните правила и прописи и да не управуваат возило без возачка дозвола, со активна забрана или под дејство на алкохол.