Приведени три лица во тетовско, меѓу кои малолетници, откако полицијата најде Пит бул по борба

Три лица се лишени од слобода откако полицијата пронашла повредено куче во автомобил на локалниот пат кон село Камењане, тетовско.

Според Министерство за внатрешни работи, на 10 април околу 22 часот, полициски службеници запреле патничко возило „голф“ со тетовски регистарски таблички, управувано од А.Д.(19) од село Озормиште, кој не поседувал возачка дозвола.

— реклама —

При преглед на возилото, во багажникот било пронајдено повредено куче од расата пит бул, за кое лицата изјавиле дека било повредено во борба со кучиња во село Камењане.

Покрај возачот, лишени од слобода се и двајца 17-годишни сопатници од село Желино.

— реклама —

За случајот е известен ветеринарен инспектор, а се преземаат мерки за лекување на животното и целосно документирање на настанот.

Лицата и возилото се задржани во полициска станица, по што ќе следува соодветен поднесок.