Привремено запрен реактор во јапонска нуклеарна централа поради дефект на вентил

Втор реактор во јапонската нуклеарна централа Онагава денеска привремено престана со работа откако било утврдено дека вентил на опрема поврзана со системот за довод на вода пропушта течност.

— реклама —

Компанијата „Тохоку електрик пауер“, која управува со централата во префектурата Мијаги, на североистокот на Јапонија, очекува реакторот повторно да биде пуштен во работа за околу 10 дена, пренесува „Кјодо“.

— реклама —

— реклама —

Од компанијата во четвртокот соопштиле дека од вентилот истекло мало количество вода, по што најавиле краткотраен прекин на работата на реакторот за да се изврши замена на неисправниот дел.

— реклама —

Во околината на нуклеарната централа не биле забележани зголемени нивоа на радијација.