Продолжени нападите врз Либан: Убиени тројца водачи на Народниот фронт за ослободување на Палестина и еден лидер на Хамас

Тројца водачи на Народниот фронт за ослободување на Палестина загинаа во израелски напад врз Беира.

— реклама —

Народниот фронт за ослободување на Палестина (ПФЛП) денеска соопшти дека тројца водачи на таа палестинска група биле убиени синоќа во израелски воздушен напад врз населбата Кола во Бејрут.

— реклама —

Целта на нападот бил горниот кат на станбена зграда, пренесува Ројтерс цитирајќи неименуван сведок.

— реклама —

Во меѓувреме, палестинската група Хамас објави дека нејзиниот лидер во Либан, Фатех Шериф Абу ел Амин, заедно со неговата сопруга, син и ќерка, се убиени во израелски воздушен напад на Либан денеска.

— реклама —

Според соопштението на Хамас, семејството било убиено рано утринава во напад на нивната куќа во палестински бегалски камп во јужниот град Тир.