Продолжија борбите меѓу Израел и Хамас

Борбите продолжија вечерва меѓу Израел и Хамас во Газа и покрај резолуцијата на Советот за безбедност на ОН со која се бара итен прекин на огнот.

— реклама —

Очевидци изјавија дека израелски воени авиони синоќа го бомбардирале јужниот град Рафах, додека жестоки борби се водат околу болниците во градовите Кан Јунис и Газа, пренесе Би-би-си.

— реклама —

— реклама —

Предупредувачките сирени се огласија и во израелските градови во близина на границата со Газа.

— реклама —

Вчера Советот за безбедност на ОН ја усвои првата резолуција со која се бара „итен прекин на огнот“ во Газа, по повеќе од пет месеци војна меѓу Израел и Хамас.