Mикробиологот Никола Пановски ќе биде носител на советничката листа за Град Скопје предложена од коалицијата на ЛДП и ДОМ.
Тој денеска беше промовиран од страна на ЛДП и ДОМ кои на изборите ќе настапат заеднички под слоганот „Одлучно за промени“.
„Пановски е роден скопјанец, актуелен професор по медицинска микробиологија на Медицинскиот факултет во Скопје. На јавноста и е познат како еден од докторите кои во изминатиот период неуморно преку социјалните мрежи и медиумите даваше совети и одговори на граѓаните за справување со пандемијата од Ковид 19.
Се работи за личности кои се исклучително ценети во својата професија, луѓе со авторитет, чесни и искрени, стари скопјани, се вели во објавата на фејсбук страната на ЛДП.
