Пронајден мртов началникот на воздухопловната управа на Република Српска

Началникот на Управата за воздухопловство на Министерството за внатрешни работи на Република Српска, Бобан Кустуриќ (52), е пронајден мртов во викендичка во населбата Чесма во Бања Лука, соопштија надлежните институции.

— реклама —

Според информациите, телото било пронајдено синоќа, по што е извршен увид од страна на полицијата и дежурниот обвинител на Окружното јавно обвинителство во Бања Лука. Околностите за смртта засега не се соопштени, а истрагата е во тек.

— реклама —

— реклама —

Кустуриќ е роден во 1974 година во Бања Лука и има долгогодишна кариера во воздухопловството. Завршил Воена академија во Белград, по што работел како пилот во Војската на Република Српска, а подоцна и во цивилната воздухопловна служба, каде што бил и шеф на спасувачка хеликоптерска единица.

Подоцна раководел со Хеликоптерската служба на Република Српска, а од април 2025 година ја извршувал функцијата началник на Управата за воздухопловство. Носител е и на одликувањето Орден на Милош Обилиќ.