Проверете дали сте на списокот: Овие делови од Центар утре ќе останат без вода

Корисници во делови од општина Центар утре, 3 септември, ќе останат без водоснабдување поради дефекти на водоводната мрежа, информираат од ЈП „Водовод и канализација“.

— реклама —

Поради дефект на приклучна цевка со профил од 150 милиметри на улицата „Дана Стуцки“ број 18, од 09:00 часот без вода ќе останат корисниците од дел од булеварот „Гоце Делчев“, дел од Македонската телевизија и населбата Крњево. Прекинот ќе трае до завршување на работните активности.

— реклама —

— реклама —

Дополнително, поради уличен дефект на цевка со профил 6/4 на улицата „Коле Неделковски“ број 5, од 08:30 часот ќе биде прекинато водоснабдувањето на потегот од Градскиот парк до Владата и од улицата „Илинденска“ до стадионот.

И овој прекин ќе трае до завршување на работните активности.