„Први другари на Вучиќ се Филипче, Заев и Ковачевски од СДС, кои го чекаа со црвен тепих, јавно го величаа и му се заблагодаруваа“, вели ВМРО-ДПМНЕ

ВМРО-ДПМНЕ преку соопштение обвинува дека СДСМ и Венко Филипче се обидуваат да се дистанцираат од српскиот претседател Александар Вучиќ по изборниот пораз, потсетувајќи на блиските односи што, според партијата, ги негувале Филипче, Зоран Заев и Димитар Ковачевски со него додека биле на власт.

— реклама —

Од партијата наведуваат дека тогашните функционери го пречекувале Вучиќ со највисоки почести, јавно го фалеле и му се заблагодарувале за соработката. Како пример ја посочуваат донацијата на вакцини од Србија за време на пандемијата, кога Филипче, во својство на министер за здравство, заедно со Заев, учествувал во пречекот.

— реклама —

ВМРО-ДПМНЕ го обвинува Заев дека подоцна јавно му се извинил на Вучиќ по објавувањето на разговорите со руските пранкери, а за Ковачевски тврди дека продолжил да одржува блиски односи со српскиот претседател.

— реклама —

Во соопштението, партијата оценува дека СДСМ, покрај српското, ги промовирал и бугарското и руското влијание, наместо да ги штити македонските национални интереси, јазикот, културата и историјата.

ВМРО-ДПМНЕ тврди дека поради таквата политика СДСМ денес има ниска доверба кај граѓаните и се наоѓа во длабока опозиција.