Првомајска „честитка“, центарските градинки поскапуваат за 47,6 отсто

Родителите на децата кои живеат и се згрижени во градинки во општина Центар од месец мај ќе плаќаат повисока цена за 47,6 отсто за месечен престој.

— реклама —

Цената за едно дете е повисока за 710 денари, па наместо досегашните 1.490 денари ќе изнесува 2.200 денари за месец.

— реклама —

Одлуката е изгласана во Советот на општина Центар. Против гласаа советниците од Левица. Според нив, средствата треба да бидат поголеми, но тоа не треба да биде на товар на родителите.

— реклама —

Од градинките, до родителите испратиле известување: оние кои не го прифаќаат зголемувањето ќе треба да ги отпишат децата од градинка.

Во некои други скопски градинки веќе се плаќа повисока цена. Родителите во општина Карпош веќе две години плаќаат 2.000 денари, а на почетокот на годинава се зголемија и цените во општина Ѓорче Петров на 2.000 денари.