Пукање во Чикаго за време на прославата на Ноќта на вештерките, меѓу повредените има и деца

Најмалку 14 лица се повредени во масовно пукање во Чикаго за време на прославата на Ноќта на вештерките, пишува Fox News.

— реклама —

Според тој американски медиум, полицијата на прес-конференцијата потврдила дека имало масовно пукање, а меѓу повредените има и три деца, на возраст од најмалку три години. Останатите повредени, според полицијата, се полнолетни.

— реклама —

Началникот на полицијата во Чикаго, Дејвид Браун, изјави дека најмалку еден автомобил бил снимен на камерата и се верува дека двајца вооружени напаѓачи отвориле оган врз толпата која стоела на раскрсницата.

— реклама —

Нападот траел само неколку секунди, а пукачите по случаен избор пукале во толпата, рече Браун, додавајќи дека засега никој не е уапсен, а мотивот за нападот се уште е нејасен. Настраданите се пренесени во неколку болници, засега нема информации за смртниот исход.

Браун рече дека некои луѓе се во критична состојба.