Пукотници одекнале синоќа во сараевската населба Ченгиќ Вила, каде што едно 23-годишно лице било тешко повредено. Напаѓачот успеал да побегне и полицијата трага по него.
Според информациите од Министерството за внатрешни работи на Кантон Сараево, пријавата за пукањето во улицата Паромлинска била примена во 23:55 часот.
Повреден е 23-годишниот А.Ч. од Сараево, на кого првата медицинска помош му била укажана во Клиниката за итна медицинска помош при Клиничкиот центар на Универзитетот во Сараево. Поради сериозноста на повредите, тој бил задржан на болничко лекување.
За случајот бил известен дежурниот обвинител од Кантоналното обвинителство на Кантон Сараево, кој настанот го оквалификувал како кривично дело „предизвикување општа опасност“.
Полициски екипи извршиле увид на местото на настанот, а истрагата продолжува со цел да се утврдат сите околности и да се пронајде напаѓачот.
