Најмалку осум лица, меѓу кои и четири деца, се повредени во пукање што се случило доцна синоќа за време на прославата на Денот на независноста на САД на Кони Ајленд, во Њујорк.
Според информациите на њујоршката полиција, инцидентот бил пријавен околу 22:37 часот по локално време на улицата „Вест 31“ во Бруклин, по што на местото веднаш биле испратени полициски екипи.
Меѓу повредените има двајца мажи, две жени и четири деца на возраст од шест, седум, 12 и 14 години. Сите биле пренесени во болница, при што седуммина се во стабилна состојба, додека 21-годишна жена се бори за живот.
Полицијата на местото на нападот пронашла огнено оружје, но засега нема информации за приведени лица. Истрагата за околностите и мотивот за пукањето е во тек.
Инцидентот се случил додека низ САД се одбележувала 250-годишнината од американската независност.
