Путин: Обвинувањата дека Русија поттикнува немири во Европа се претерани

Рускиот претседател Владимир Путин изјави дека обвинувањата оти Русија поттикнува немири во Европа се неосновани и претерани. Според него, ваквите тврдења ја покажуваат слабоста и неспособноста на одредени европски лидери да преземат одговорност за актуелните случувања.

— реклама —

Во изјава за порталот „Вести“, Путин рекол дека првичните реакции во земјите на Европската Унија не биле насочени против Русија, туку против САД. Како што навел, во тој период се ширеле гласини дека случувањата се резултат на дејствувањето на американската администрација и нејзината поддршка за десничарските партии и движења.

„Меѓутоа, Европејците брзо се вратија на своите традиционални напади врз Москва“, изјавил Путин, пренесува РИА Новости.

— реклама —

Рускиот претседател рекол дека бил изненаден кога слушнал дека Русија е обвинета за поттикнување немири во Европа. Тој изразил и мислење дека европските граѓани не веруваат во таквите тврдења.

— реклама —

Протестен бран ги зафати земјите од Европската Унија од септември, откако демонстрациите на ученици и студенти, незадоволни од проблемите во образовниот систем, се прошириле во пошироки собири на кои учествуваат илјадници луѓе. Меѓу причините за незадоволството се високите цени, станбената криза и прекумерните воени трошоци.

Според објавените информации, најголемите протести се одржуваат во Франција, Италија, Шпанија, Португалија и Албанија.

За време на демонстрациите, дел од учесниците кршат излози, ограбуваат продавници и палат автомобили, а доаѓа и до судири со полицијата. Безбедносните сили интервенираат со водени топови и солзавец.