Путин се огласи по терористичкиот напад во Москва

Рускиот претседател Владимир Путин им посака оздравување на сите повредени во терористичкиот напад во „Crocus City Hall“ и го пофали ангажманот на медицинскиот персонал, изјави руската вицепремиерка Татјана Голикова.

— реклама —

Голикова изјави за новинарите дека претставници на руската влада, вклучително и министерот за здравство Михаил Мурашко, го информирале Путин за здравствената состојба на повредените, на кои претседателот им посакал оздравување, пренесе ТАСС.

— реклама —

— реклама —

Најмалку 60 лица, меѓу кои три деца, загинаа во терористичкиот напад на „Crocus City Hall“, покажуваат податоците на Министерството за здравство на Московскиот регион, пренесува РИА Новости.

Во синоќешниот напад во концертната сала Крокус Сити Хол, кој Рускиот истражен комитет го окарактеризира како терористички, повредени се повеќе од 100 лица.