Путин: Се ближи крајот на војната во Украина

Рускиот претседател Владимир Путин изјави дека смета оти војната во Украина се приближува кон крајот, само неколку часа откако на парадата по повод Денот на победата во Москва порача дека Русија ќе ја порази Украина.

— реклама —

„Мислам дека работата се ближи кон крај“, изјавил Путин за војната, која прерасна во најсмртоносен конфликт во Европа по Втората светска војна. Тој повторно ја обвинил западната поддршка за Киев за продолжување на конфликтот и оценил дека Западот очекувал „пораз на Русија и распад на државата“, што според него не се случило.

— реклама —

Путин истовремено најавил подготвеност за разговори за нови безбедносни аранжмани во Европа, а како посакуван соговорник го посочил поранешниот германски канцелар Герхард Шредер.

Рускиот лидер изјавил дека е подготвен да се сретне со украинскиот претседател Володимир Зеленски во трета земја, но дури откако ќе се утврдат условите за можен мировен договор. „Тоа треба да биде завршна точка, а не сами преговори“, рекол Путин.

— реклама —

Во текстот се потсетува дека Шредер со години важи за еден од најблиските западни политичари до Путин, особено поради неговите врски со руските енергетски компании и проектот „Северен тек“. По почетокот на руската инвазија врз Украина, поранешниот германски канцелар бил жестоко критикуван во Европа поради блиските односи со Кремљ.

Во меѓувреме, Русија, Украина и Доналд Трамп објавиле тридневно примирје, но Москва и Киев веднаш размениле меѓусебни обвинувања за негово прекршување. Сепак, двете страни се договориле за размена на по 1.000 заробеници за време на прекинот на огнот.