Рации и апсења во БиХ, во акцијата учествувала и хрватската полиција

Полицијата во Босна и Херцеговина во акција координирана со хрватската полиција уапси пет лица под сомнение дека се членови на криминална група која досега префрлила најмалку 100 илегални мигранти во Хрватска.

— реклама —

Во акцијата под кодно име „Бегалец“, припадници на Државната агенција за истрага и заштита (СИПА) извршија рации и апсења на подрачјето на Босански Брод.

— реклама —

Во досегашната истрага било утврдено дека уапсените криумчареле илегални мигранти од турско, сириско, ирачко и кинеско потекло од територијата на Босна и Херцеговина во Хрватска.

— реклама —

По кривичната постапка, сите уапсени ќе бидат предадени на Обвинителството на БиХ, кое е одговорно за случаите на организиран криминал и шверц на луѓе.

— реклама —

Според СИПА, акцијата „Бегалец“ е резултат на повеќемесечната работа на таа агенција и МВР на Хрватска со посредство на ЕВРОПОЛ.