„Растот на платите е тема - а не дефокус со кратење на празници“, велат од СДСМ

СДСМ порача дека главниот фокус на економската политика треба да биде зголемувањето на платите и подобрувањето на животниот стандард, а не намалувањето на бројот на неработни денови.

— реклама —

Од партијата велат дека минималната плата треба да се зголеми на 600 евра, а да има раст и на останатите плати и пензии. Според СДСМ, работниците заслужуваат повисоки примања и достоинствени услови за работа.

„Тема за СДСМ се растот на платите на работниците, а не дефокус со кратење на празници“, соопшти партијата.

— реклама —

Од СДСМ оценуваат дека поголема продуктивност се постигнува преку инвестиции, подобра организација и мотивирани и соодветно платени работници.

— реклама —

Партијата смета дека економската дебата не треба да се сведува на бројот на неработни денови, туку на прашањата поврзани со приходите на граѓаните и нивниот животен стандард.

„На граѓаните им требаат повисоки приходи и подобар животен стандард. Тоа е суштината“, наведуваат од СДСМ.

Од партијата додаваат дека во услови кога, според нив, граѓаните тешко ги покриваат трошоците, а вредноста на потрошувачката кошничка достигнува 90 илјади денари, фокусот треба да биде ставен на платите и економскиот стандард.