Полицијата во северна Грција разби криминална мрежа која организирала нелегално онлајн обложување користејќи профили на други корисници на платформи за спортско обложување, објави Екатимерини.
Во акцијата биле уапсени пет лица во Солун и градот Килкис, под сомнение за измама, учество во криминална организација и перење пари.
Според полицијата, уште 48 лица се соочуваат со обвиненија за помагање во измамата и прекршување на законите за обложување.
Истражителите проценуваат дека групата од декември 2025 година незаконски заработила најмалку 170.000 евра.
Осомничените, наводно, организирале нелегални облози во живо на спортски натпревари, користејќи сметки на регистрирани корисници на онлајн обложувалници. За возврат, сопствениците на профилите добивале дел од добивката или еднократен паричен надомест.
