Речиси целата потрошувачка на струја во мај покриена од домашното производство

Во мај 2026 година, вкупното бруто-производство на електрична енергија во земјава изнесувало 462.653 мегават-часови, што претставува 96,5 отсто од вкупната бруто-домашна потрошувачка на електрична енергија, покажуваат претходните податоци за енергетиката.

— реклама —

Вкупната потрошувачка на енергенти во овој период изнесувала 479.603 мегават-часови електрична енергија, 4,463 милиони нормални кубни метри природен гас, 264.997 тони јаглен и 78.468 тони нафтени продукти.

— реклама —

Според податоците, речиси целата потрошувачка на јаглен, односно 99,9 отсто, била искористена за производство на електрична енергија.

— реклама —

Во споредба со мај 2025 година, потрошувачката на природен гас е зголемена за 4,8 отсто. Од Државниот завод за статистика наведуваат дека растот се должи на работата на топлинските постројки, кои во истиот период минатата година не биле активни.

— реклама —

Од друга страна, потрошувачката на нафтени продукти во мај 2026 година е намалена за 8,5 отсто во однос на истиот месец претходната година.