Рекордни 42 степени во Унгарија, воведени ограничувања за потрошувачката на вода

Унгарија забележа нов национален температурен рекорд, откако во градот Сечењ, во близина на словачката граница, беа измерени рекордни 42 Целзиусови степени.

— реклама —

Според унгарската метеоролошка служба „ХунгароМет“, со ова е надминат досегашниот рекорд од 41,9 степени, измерен во 2007 година.

Метеоролозите соопштија дека е соборен и температурниот рекорд во Будимпешта, каде што термометрите покажале 41 степен, надминувајќи го претходниот рекорд од 40,7 степени, исто така поставен во 2007 година.

— реклама —

Унгарија, како и голем дел од Европа, е погодена од силен топлотен бран, а од викендот во земјата е на сила највисокото ниво на предупредување за екстремни горештини.

— реклама —

Премиерот Петер Маѓар ги повика граѓаните, доколку имаат можност, да работат од дома и да ја ограничат потрошувачката на вода само на неопходни потреби.

Поради екстремно високите температури, повеќе од 120 општини во Унгарија веќе воведоа ограничувања за користење на водата.

— реклама —

По рекордниот топлотен бран што минатата седмица зафати делови од западна, централна и јужна Европа, екстремните горештини сега се шират и кон источниот дел на континентот, при што рекордни температури се регистрирани и во Унгарија и во Србија.