РФМ ќе поднесе приговор бидејќи Македонија во преносот од натпреварот со Грција била означена како „NМКD“

Ракометната федерација на Македонија (РФМ) ќе поднесе официјален приговор до Европската ракометна федерација (ЕХФ) и до Ракометната федерација на Грција поради спорното означување на македонската репрезентација за време на телевизискиот пренос од натпреварот во Халкида.

— реклама —

— реклама —

Наместо вообичаената ознака, во преносот била употребена кратенката „НМКD“, што предизвикало реакција од македонската федерација. Од РФМ оценуваат дека ваквото постапување е несоодветно и неприфатливо и бараат случајот да биде разгледан, како и да бидат преземени мерки за да не се повтори на идни меѓународни натпревари.

— реклама —

— реклама —

Во меѓувреме, Македонија загуби од Грција со 29:24 во второто коло од квалификациите за Европското првенство во 2028 година.