РКЕ ги објави новите цени на горивата

Автор: Скопје1.мк

објавено пред 3 часа - 6 април, 2026

РКЕ донесе одлука за нови максимални малопродажни цени на горивата со повластен ДДВ 10% (освен мазут) и намалени акцизи (4 ден/л за дизел, 2 ден/л за бензини). Од 7.4.2026 (00:01) цените се: ЕУРОСУПЕР 95 – 83,50; 98 – 85,50; ЕУРОДИЗЕЛ – 98,00; ЕЛ-1 – 95,50 ден/л; мазут – 51,311 ден/кг. Цените растат во просек за 1,41% поради повисоки светски референтни цени (особено дизел и ЕЛ-1) и малку повисок курс на доларот. РКЕ бара компаниите да го вкалкулираат владниот попуст и да намалат 3 ден/л за дизел и 2 ден/л за бензини. Без мерките (ДДВ/акцизи), бензините би биле +8,50 ден/л, а дизелот +12 ден/л.

Текстот е автоматски генериран со помош на вештачка интелигенција

Регулаторната комисија за енергетика, водни услуги и услуги за управување со комунален отпад на Република Северна Македонија (РКЕ) донесе Одлука за определување на малопродажните цени на нафтените деривати во која се вклучени повластената стапка на ДДВ од 10% (освен за мазутот) и намалените износи на акцизите за дизелските фракции од 4 ден/лит и од 2 ден/лит за бензинските фракции.

— реклама —

Од 7.4.2026 година од 00:01 часот максималните малопродажни цени на нафтените деривати ќе изнесуваат:

— реклама —

Моторен бензин ЕУРОСУПЕР БС - 95 83,50 (денари/литар)

Моторен бензин ЕУРОСУПЕР БС - 98 85,50 (денари/литар)

— реклама —

Дизел гориво ЕУРОДИЗЕЛ БС (Д-Е V) 98,00 (денари/литар)

Масло за горење Екстра лесно 1 (ЕЛ-1) 95,50 (денари/литар)

Мазут М-1 НС 51,311 (денари/килограм)

Со денешната одлука малопродажните цени на нафтените деривати се зголемуваат во просек за 1,41% во однос на одлуката од 30.3.2026 година.

Референтните цени на нафтените деривати на светскиот пазар во споредба со претходната пресметка бележат зголемување во просек: кај бензините за 4,084%, кај дизелот за 10,137%, кај екстра лесното масло за 11,369% и кај мазутот зголемувањето е за 2,002%.

Курсот на денарот во однос на доларот во изминатиот период по кој беа формирани цените со претходната пресметка е повисок за 0,2756%.

РКЕ им укажува на нафтените компании да продолжат со постојната пракса и да го вкалкулираат обезбедениот попуст од страна на Владата со главниот добавувач ОКТА и да ги намалат малопродажните цени за 3 ден/лит за дизел и 2 ден/лит за бензините, со што ќе овозможат бенефитот од ова намалување директно да го почувствуваат граѓаните.

Доколку не се продолжеше времетраењето на намаленото ДДВ и не се интервенираше во акцизата, цената на бензините ќе беше повисока за 8,50 ден/лит, а дизелот за 12,00 ден/лит во однос на денешната одлука, односно максималните малопродажни цени на нафтените деривати ќе изнесуваа:

Моторен бензин ЕУРОСУПЕР БС - 95 92,00 (денари/литар)

Моторен бензин ЕУРОСУПЕР БС - 98 94,00 (денари/литар)

Дизел гориво ЕУРОДИЗЕЛ БС (Д-Е V) 110,00 (денари/литар)

Масло за горење Екстра лесно 1 (ЕЛ-1) 107,00 (денари/литар)

Сподели