Роботакси возилата на американска компанија повлечени од сообраќај, повеќепати заглавувале во поплави

Waymo привремено ја суспендираше услугата со роботакси возила во пет американски градови поради софтверски проблем што предизвикал дел од возилата да влегуваат во поплавени улици и да остануваат заглавени.

Американската компанија неодамна повлече илјадници роботакси возила по инцидентот од 20 април во Сан Антонио, кога празно возило на Waymo влегло на поплавен пат и било однесено од порој.

— реклама —

По сличен случај во Атланта, компанијата одлучи привремено да ја прекине услугата во пет градови – четири во Тексас и Атланта.

— реклама —

Од Waymo соопштија дека безбедноста е нивен „највисок приоритет“ и дека внимателно ги следат временските услови и предупредувањата.

Проблемот со софтверот, според американските власти, можел да предизвика возилата да забават, а потоа да влезат во стоечка вода со поголема брзина.

— реклама —

Како одговор, компанијата издаде доброволен повик за сервисирање на речиси 3.800 роботакси возила од петтата и шестата генерација на автоматизиран систем за возење.

Истовремено, Waymo привремено ги суспендираше и услугите на автопатите во Сан Франциско, Лос Анџелес, Феникс и Мајами поради проценка на работата на возилата во зони со градежни работи.

Waymo е во сопственост на Alphabet и неделно реализира повеќе од 500.000 возења во неколку американски градови.