Барселона доби сериозно засилување со ангажманот на шпанскиот репрезентативец Родри, кој дополнително ги освои симпатиите на навивачите откако ја одби понудата од Реал Мадрид.
Искусниот играч за врска треба да донесе дополнителен квалитет во тимот на Ханси Флик, но откри дека самиот бил изненаден од интензитетот на тренинзите по пристигнувањето во каталонскиот клуб.
„Да бидам искрен, бев многу изненаден од начинот на кој се тренира. Првите денови навистина беа тешки“, изјави Родри.
Шпанецот откри и дека очекувал тренинзите во Барселона да бидат повеќе насочени кон движењето и поседот на топката, но реалноста била поинаква.
„Флик е многу поразличен од Гвардиола. Мислев дека кога ќе дојдам во Барса, повеќе внимание ќе се посветува на вежби поврзани со движењата и поседот на топката, но излезе дека тренинзите се понапорни од кога било досега“, рече Родри.
Играчот за врска призна дека интензитетот на почетокот бил толку голем што дури си поставил прашање дали направил вистински избор.
„На почетокот ми прелета мислата: Каде ли дојдов?“, откри Родри.
