БАРСЕЛОНА

Алварез му кажал „не“ на Арсенал, приоритет му е Ла Лига

Напаѓачот на Атлетико Мадрид, Хулијан Алварез, се најде во центарот на трансферните шпекулации во преодниот рок, откако Барселона покажа интерес за негов ангажман.Сепак, според шпанските медиуми, раководството на мадридскиот клуб нема намера да се раздели со аргентинскиот репрезентативец, кој се смета за еден од најважните играчи во тимот.Интерес за 26-годишниот напаѓач внимателно го следи и Арсенал, но информациите велат дека Алварез во моментов не е заинтересиран за преселба во Премиер лигата. Неговата желба е да остане во Шпанија и да продолжи да настапува во Ла Лига.Во Атлетико не придаваат големо значење на трансферните шпекулации и веќе ги подготвуваат плановите за новата сезона околу аргентинскиот голгетер.Алварез зад себе има успешна сезона во која постигна 20 погодоци и уште еднаш ја потврди својата важност во составот на тренерот Диего Симеоне.Задржувањето на клучните фудбалери е еден од главните приоритети на Атлетико ова лето, а Алварез е меѓу најважните фигури во долгорочниот проект на клубот.Дополнителна предност за мадридскиот состав претставува и фактот што договорот на аргентинскиот напаѓач е важечки до јуни 2030 година, што значително ја зајакнува позицијата на клубот во евентуалните преговори со заинтересираните екипи.

Спорт | пред 12 часа

Флик го гради новиот тим на Барселона, во фокусот Гвардиол, Алварес и Гордон

Барселона подготвува амбициозна трансфер-офанзива во пресрет на новата сезона, со цел да изгради тим способен повторно да се бори за европскиот врв под водство на тренерот Ханси Флик.Според информациите од Шпанија, каталонскиот клуб е пред комплетирање на трансферот на англискиот репрезентативец Ентони Гордон од Њукасл. Зделката е проценета на 70 милиони евра, со дополнителни 10 милиони преку бонуси, а токму Флик бил еден од главните иницијатори за неговото ангажирање.Паралелно со тоа, Барселона работи и на доведување на аргентинскиот напаѓач Хулијан Алварес од Атлетико Мадрид. Според најавите, Каталонците се подготвени да понудат околу 100 милиони евра за напаѓачот, кој се смета за долгорочно решение во нападот по заминувањето на Роберт Левандовски.На листата на желби се наоѓа и хрватскиот репрезентативец Јошко Гвардиол. Фудбалерот на Манчестер сити е посочен како идеално засилување за одбраната, но неговиот ангажман нема да биде лесен бидејќи интерес покажуваат и Баерн Минхен и Реал Мадрид.Раководството на клубот, предводено од претседателот Жоан Лапорта и спортскиот директор Деко, настојува сите клучни трансфери да бидат завршени пред почетокот на Светското првенство на 17 јуни. Целта е да се избегне евентуално зголемување на цените на играчите по нивните настапи на мундијалот.Со планираните засилувања, Барселона сака да формира поконкурентен состав во кој младите сили предводени од Ламин Јамал ќе бидат комбинирани со докажани интернационалци, во обид да се врати доминацијата во шпанскиот фудбал и повторно да се нападне титулата во Лигата на шампионите.

Спорт | пред 1 седмица

Барселона и Баерн во трка за Гвардиол, Манчестер Сити подготвува нов договор

Хрватскиот репрезентативец Јошко Гвардиол би можел да биде едно од најбараните имиња во летниот преоден рок, откако шпанските и германските медиуми објавија дека и Барселона и Баерн Минхен покажуваат сериозен интерес за дефанзивецот на Манчестер Сити.Според информациите, Барселона го гледа Гвардиол како приоритетно засилување за одбраната и веќе ги разгледува можностите за негов ангажман. Сепак, каталонскиот клуб ќе се соочи со силна конкуренција од Баерн Минхен, кој исто така работи на негово доведување.Легендарниот германски фудбалер Лотар Матеус потврди дека баварскиот клуб веќе се распрашува за поранешниот играч на Лајпциг.„Станува збор за поранешен фудбалер на Бундеслигата кој сега настапува за Манчестер Сити. Игра како лев бек, но може да игра и во централната одбрана. Тоа е Гвардиол“, изјави Матеус за „Скај“.Од друга страна, Манчестер Сити нема намера лесно да се откаже од хрватскиот дефанзивец. Англискиот шампион подготвува продолжување на неговиот договор, кој во моментов важи до 2028 година, со цел да ја осигури неговата иднина на „Етихад“.Гвардиол пристигна во Манчестер Сити во 2023 година, во трансфер вреден околу 90 милиони евра, и брзо се наметна како важен дел од тимот на Пеп Гвардиола.Интересот на Баерн е дополнително поттикнат од проблемите со повреди во одбраната, додека Барселона ќе мора да најде решение за својата финансиска состојба доколку сака да реализира големи засилувања во летниот преоден рок.

Спорт | пред 1 седмица

Голем удар за Барселона и Шпанија: Фермин Лопез го пропушта Светското првенство

Фудбалерот на ФК Барселона, Фермин Лопез, ќе го пропушти претстојното Светско првенство поради тешка повреда.Младиот шпански репрезентативец скршил метатарзална коска во стапалото и ќе мора да оди на операција, по што го очекува повеќемесечна пауза.Од Барселона потврдија дека Лопез се повредил на натпреварот против Реал Бетис и дека му е скршена петтата метатарзална коска на десното стапало.Повредата доаѓа во момент кога Лопез беше блиску до место во составот на шпанската репрезентација за Мундијалот.Фермин Лопез сезонава се наметна како еден од клучните играчи на Барселона, со 13 голови и 17 асистенции.Со својата енергија и офанзивен придонес, тој стана важен дел од тимот на тренерот Ханси Флик.

Спорт | пред 2 седмици

Левандовски заминува од Барселона: Ја исполнив својата мисија

Роберт Левандовски објави дека ја напушта Барселона по четири сезони поминати во каталонскиот клуб.Полскиот напаѓач преку видео на социјалните мрежи потврди дека од следната сезона повеќе нема да го носи дресот на Барса, а утрешниот натпревар на „Камп Ноу“ ќе биде негово последно појавување пред домашните навивачи.„По четири години полни со предизвици, труд и незаборавни моменти, дојде време да продолжам понатаму. Заминувам со чувство дека ја исполнив својата мисија“, порача Левандовски.Тој им се заблагодари на навивачите за поддршката и истакна дека Каталонија секогаш ќе има посебно место во неговото срце.Левандовски пристигна во Барселона во летото 2022 година од Баерн Минхен и брзо стана еден од главните напаѓачи на тимот.Во дресот на Барса одигра 191 натпревар, постигна 119 голови и запиша 24 асистенции.Според медиумите, најсериозен кандидат за неговиот потпис е саудиски Ал Хилал, кој на Полјакот наводно му нуди плата од 90 милиони евра по сезона.

Спорт | пред 3 седмици

Барселона може да остане без играч вреден 80 милиони евра

Напаѓачот на Барселона, Рафиња, би можел да замине од клубот во летниот преоден рок, пренесуваат шпанските медиуми.Според „Спорт“ и Goal.com, 29-годишниот бразилски фудбалер во последниот период размислува за својата иднина и веќе го информирал клубот за своите дилеми. Неговата несигурност, како што се наведува, не е поврзана со Барселона, туку со лични причини.По одличната мината сезона, во која беше еден од кандидатите за „Златна топка“, оваа година Рафиња има потешкотии да ја одржи формата. Повредите на бутниот мускул го ограничија на 31 настап, но сепак постигна 19 голови и запиша осум асистенции.Неговиот договор со клубот важи до 2028 година, а неговата пазарна вредност се проценува на околу 80 милиони евра. Интерес за неговите услуги, наводно, покажуваат и клубови од Саудиска Арабија.И покрај тоа, Барселона не планира да го продава, туку сака да го задржи како важен дел од тимот на тренерот Ханси Флик. Клубот верува дека ќе успее да го убеди да остане.Рафиња неодамна се врати во тимот по пауза од крајот на март и се очекува да настапи и во претстојното „Ел Класико“ против Реал Мадрид, натпревар кој може да биде клучен во борбата за титулата.

Спорт | пред 1 месец

Педри го сруши рекордот на Меси и испиша историја во Барселона

Шпанскиот фудбалер Педри испиша историја во редовите на Барселона, откако го сруши долгогодишниот рекорд на клупската легенда Лионел Меси.До големото достигнување Педри дојде во победата против Осасуна, кога го забележа својот 200-ти настап како стартер за каталонскиот клуб. Со 23 години и 159 дена, тој стана најмладиот играч во историјата на Барселона кој го постигнал овој подвиг, надминувајќи го досегашниот рекорд на Меси, како и оној на Чави Ернандес.Тренерот Ханси Флик го смета Педри за клучен дел од средниот ред, а неговата улога во играта на тимот е опишана како незаменлива. Оваа сезона тој веќе има 26 настапи во шпанската лига, со два гола и осум асистенции.Барселона моментално се наоѓа во борба за шампионската титула и има значајна бодовна предност на врвот на табелата, додека тимот се подготвува за клучните натпревари во завршницата на сезоната, меѓу кои и дуелот со Реал Мадрид.

Спорт | пред 1 месец

Барселона четири дена беше светска престолнина на мобилната индустрија: MWC 2026 затвори со 105.000 посетители

Барселона во изминатите четири дена живееше во ритамот на Mobile World Congress (MWC) 2026, јубилејното 20-то издание на настанот во градот, одржано од 2 до 5 март во комплексот Fira Gran Via. Конгресот ги затвори вратите со 105.000 посетители, задржувајќи го статусот на највлијателен собир за мобилната и пошироката технолошка индустрија, иако бројката беше нешто пониска во однос на претходната година.Оваа година на саемските хали доминираше јасна порака: вештачката интелигенција веќе не е само „облак“ и теорија, туку станува функционалност што се преселува директно во уредите и мрежите. Во демонстрациите и панелите се преплетуваа теми како генеративна AI, безбедност на мобилните системи, еволуција на 5G и подготовка за 6G, како и практични решенија за eSIM и поврзани уреди во индустријата и домот.Паралелно со главната изложбена програма, вниманието го задржа и стартап-сегментот 4YFN, кој повторно се позиционираше како „брза лента“ за нови компании што бараат партнери, инвеститори и први големи клиенти. Во градот, конгресот се почувствува и надвор од саемот — од хотелските капацитети и транспортот до деловните средби, кои традиционално ја претвораат Барселона во место каде што договорите се склучуваат со ист интензитет како што се лансираат и производите.Во институционалниот и индустрискиот дел, MWC 2026 ја нагласи „диверзификацијата“ на настанот: мобилната телефонија останува јадро, но растечкиот дел од приказната е во инфраструктурата, приватните мрежи, сајбер-безбедноста, паметната индустрија и алатките за управување со податоци. Тоа се виде и низ големиот број изложувачи и говорници, со програма што ја „покрива“ целата вертикала — од чипови и мрежи до апликации и дигитални услуги.Јубилејното издание заврши со впечаток на континуитет и промена во исто време: континуитет во размерот и меѓународната тежина, а промена во тоа што „новиот мобилен“ веќе не се мери само по камера, екран и батерија, туку по тоа колку интелигентно уредот работи локално, колку безбедно комуницира и колку е подготвен за следната генерација поврзување. Барселона, по четири дена полни со премиери, демонстрации и деловни договори, повторно ја затвори неделата како глобална сцена на која се гледа што доаѓа во технологијата — и што ќе стане секојдневие многу побрзо отколку што изгледа.

Свет | пред 3 месеци

Авион на „Туркиш ерлајнс“ принудно слета во Барселона поради закана

Авион на Туркиш ерлајнс, кој летал од Истанбул, принудно слетал на аеродромот Барселона-Ел Прат поради неодредена закана, соопшти шпанскиот управител на аеродромите АЕНА, додавајќи дека сообраќајот на аеродромот се одвива нормално.Шпанската полиција информираше дека го истражува инцидентот, но засега не изнесе дополнителни детали. Претставници на Туркиш ерлајнс во моментот на објавувањето не биле достапни за коментар, пренесува Ројтерс.

Свет | пред 4 месеци

Во страшна несреќа загина милијардерот Исак Андик

Исак Андик, милијардерот основач на познатиот моден бренд Манго, почина во саботата во „несреќа“, соопшти компанијата.Шпанските медиуми објавија дека 71-годишникот паднал од карпа и починал додека планинарел во планински венец недалеку од Барселона.Неговиот син бил на местото на несреќата, пишува весникот Ел Паис, а пренесува Би-би-си.Бизнисмен со турско потекло го основал Манго во Барселона во 1984 година, а синџирот сега работи во 120 земји.Извршниот директор на Манго, Тони Руиз, во изјавата рече: „Неговото заминување остава огромна празнина, но сите ние сме, на некој начин, негово наследство и сведоштво за неговите достигнувања. Од нас зависи и ова е најдобрата почит што можеме да ја оддадеме на Исак и ние ќе го исполниме, за да се погрижиме Манго да продолжи да биде проект на кој Исак се стремел и со кој би се гордеел“.

Свет | пред 1 година

(Видео) Големи поплави во Барселона, пристигнуваат првите снимки

Невремето со дожд ја напушти шпанската провинција Валенсија, откако загинаа најмалку 217 луѓе, и ја погоди Каталонија, каде метеоролошката служба повика на голема претпазливост.Метеоролошката служба АЕМЕТ извести дека „метеоролошката криза заврши во провинцијата Валенсија“ каде што продолжува потрагата по исчезнатите. Но, во исто време службата ги повика жителите на Каталонија, соседна провинција со 7,5 милиони жители, да бидат крајно внимателни поради обилните дождови. Сообраќајот на приградските возови е прекинат во Каталонија поради неповолните временски услови и предупредувањата за обилни врнежи, објави операторот Rodalies de Catalunya на својата веб-страница. Возовите во сообраќајот, сепак, ќе пристигнуваат на нивните дестинации.

Свет | пред 1 година

Нема фотографија

Чави: Среќен сум, ова е еден од најубавите моменти како тренер

Фудбалскиот тренер на Барселона, Чави Ернандез истакна дека неговите играчи одиграле комплетен натпревар и заслужено стигнале до четвртфиналето од Лигата на шампионите.Барселона на „Монтјуик“ го победи Наполи со 3:1 (2:1) и по четири години се најде меѓу осумте најдобри екипи на Стариот континент.„Беше комплетен натпревар, горд сум на играчите. Тимот беше многу добар, агресивен, под висок притисок. Многу добра одбрана, бевме одлични. Навивачите уживаа, 3:1 против голем ривал не се случајни. Веќе кажав дека ќе направат чекор напред со моето заминување на крајот од сезоната. Луѓето не ми веруваа и велеа дека ќе ја загубам соблекувалната. Добивме многу нефер критики“, изјави Чави.Тој откри и што им порачал на играчите да ги опуштат пред реваншот со италијанскиот тим.„Има голем притисок врз играчите, живот или смрт, ултиматуми... Им реков да се смират, дека денес никој не умира. Имаше многу нефер критики. Среќен сум, ова е еден од најубавите моменти како тренер. Ја чекаме ждрепката, со ентузијазам и желба да влеземе во полуфиналето“, објасни Чави.Тој беше прашан и дали овој резултат влијае на неговата одлука да го напушти каталонскиот тим на крајот од сезоната."Тоа не менува ништо. Ова е премногу емотивно. Чекор по чекор. Многу сум среќен. Одигравме комплетен натпревар, доминиравме во многу моменти. Ние сме меѓу осумте најдобри во Европа. Време е за уживање". - изјави Чави.

Спорт | пред 2 години