Роналдо и Георгина ги кршат законите во Саудиска Арабија, ќе живеат заедно, а не се во брак

Кристијано Роналдо и Георгина Родригез се селат во Саудиска Арабија и таму ќе живеат следните две години, колку што ќе трае договорот за трансферот на Португалецот со „Ал Наср“. Сепак, со тоа што ќе живеат заедно, а не се во брак, тие ги кршат законите на земјата. Во Саудиска Арабија постои закон кој не дозволува лица што не се венчани да живеат заедно, а забрането им е и јавно да се држат за рака и да се бакнуваат.

— реклама —

— реклама —

Шпанскиот весник „Спорт“ вели дека законот ќе важи и за Роналдо и Георгина, иако двојката има пет деца. Според „Спорт“, адвокат од Саудиска Арабија за весникот потврдил дека таков закон постои во земјата.

— реклама —

„Законот официјално не дозволува заедничко живеење за двојки што не се во брак, но властите во последните години почнаа да замижуваат. Членот е активен во законот и се користи ако се појави проблем. Тој ќе важи и за Роналдо, но сигурен сум дека имаат договорено како да го заобиколат овој дел од државните регулативи пред да го потпише договорот со клубот“, рекол адвокатот.